都係創意？

係創意定係無聊？你自己評論。呢個FB App最近真係勁hit﹐暫時已經累積超過十萬個會員﹐我都有6個fren係佢嘅擁躉。撇除個人覺得有少少無聊之外﹐內心都有少少佩服同埋羨慕果位仁兄嘅創意嘅。。。
你唔識Laughing哥係邊個？
其實只不過係謝天華喺部劇集里面飾演嘅角色嚟姐﹐一個潛伏喺黑社會嘅警方臥底﹐最近就香咗﹐臨死果幕懶係有情有義咁﹐搏晒好感﹐搞到睇戲啲人個個入晒戲﹐喊哭喊忽﹐果位仁兄見大家咁傷心，所以咪整咗個FB App出嚟俾大家悼念悼念Laughing哥囉。其實端估佢都冇諗過自己整嘅嘢竟然會咁鬼受歡迎。
都唔知謝天華見到呢個FB App會有乜嘢感覺﹐無端端比人整咗張車頭相﹐連報紙都登埋出嚟﹐真係大吉利是。無論點都好啦﹐謝天華呢排咪紅咗囉。。。
清明就嚟到﹐唔知Laughing哥班Fan屎仲會唔會記得上香呢？

冇咁癲係嗎﹐真搞笑。